🎃 Un Samaín inesquecible no CEIP Tenorio! 👻

 

O pasado 30 de outubro, o CEIP Tenorio vestíase de medo para celebrar unha das festas máis esperadas do ano: o Samaín! Grazas ao esforzo da ANPA Sanxuvite e a colaboración das familias, conseguimos crear unha tarde chea de emoción, sustos e moita diversión.

A temática deste ano, "Zombies e Pantasmas", fixo que pequenos e maiores se transformasen en auténticas criaturas da noite. Os disfraces foron espectaculares, e o concurso puxo o listón ben alto co seu desfile de monstruosidade e creatividade.

A festa contou cunha decoración terrorífica feita a man grazas ao traballo voluntario das familias, que colaboraron con materiais reciclados e moita imaxinación. Ademais, non faltaron as actividades temáticas: xogos como a caza do tesouro de Samaín ou a tira da corda entre zombies e pantasmas fixeron que a diversión estivese asegurada.

O momento máis doce chegou coa mesa de lambonadas, onde cada quen achegou as súas creacións caseiras, desde galletas embruxadas ata biscoitos que daban arrepíos. Unha auténtica delicia para todos os padais!

Para rematar, o photocall terrorífico foi o escenario perfecto para inmortalizar esta noite única.

Dende a ANPA Sanxuvite queremos dar as grazas a todas as familias que participaron e axudaron a facer deste Samaín unha festa inesquecible. Sen dúbida, este foi só o comezo dun curso cheo de grandes momentos compartidos.

💀🎃 Ata o vindeiro Samaín... se é que conseguimos saír vivos deste! 👀🕸

---